Մանթի

Instructions

1. 1

   Նախ պետք է պատրաստել խմորը։ Ամանի մեջ լցնել սենյակային ջերմաստիճանի ջուր, ավելացնել 1 թ․գ․ աղ, 2 ճ․գ․ ձեթ և խառնել։

2. 2

   Քիչ-քիչ մաղելով ավելացնել ալյուրը, խառնել և հունցել։

3. 3

   Խմորի գնդիկը դնել մի կողմ, ծածկել և թողնել, որ հանգստանա։

4. 4

   Քանի խմորը հանգստանում է, կարելի է անցնել միջուկի պատրաստմանը։ Տավարի միսը կտրատել (կարելի է նաև խոշոր աղալ, բայց կտրատած ավելի համեղ է ստացվում)։

5. 5

   Ավելացնել կտրատած սոխը։

6. 6

   Համեմել աղով, սև պղպեղով և մանրացրած (ծեծած) քիմիոնով։

7. 7

   Միջուկը պետք է լավ խառնել, կարելի է նաև ձեռքերով տրորել։

8. 8

   Խմորի գնդիկը բաժանել 4 մասի, մեկը վերցնել, իսկ մնացածը նորից ծածկել, որ չչորանան։

9. 9

   Ալյուր լցնել ու գրտնակել, պետք է բարակ խմոր ստանալ։

10. 10

    Խմորը կտրատել քառակուսիների՝ 10 սմ կողմերով։ Խմորի վրա դնել 1.5 ճ․գ․ միջուկ։

11. 11

    Խմորի անկյունագծով իրար դիմաց ընկած ծայրերը պետք է բարձրացնել դեպի վերև և միացնել։ Կստացվի քառակուսի ծրարի նման մի բան։ Այդ քառակուսիի իրար կողքի ծայրերը պետք է ձգել դեպի դուրս և միացնել իրար։

12. 12

    Մանթին եփում են գոլորշու վրա։ Դրա համար հարկավոր է գոլորշեփ կամ մանթիի կաթսա։

13. 13

    Գոլորշեփի կամ կասթայի մեջ տեղադրելուց, մանթիի տակը պետք է ձեթ քսել, որ ամանին չկպնի։

14. 14

    Մանթիիները պետք է շարել իրարից մի քիչ հեռու, որ եփելուց իրար չկպնեն։ Եփել 40 րոպե։

15. 15

    Պետք է գոլորշեփից հանել և անմիջապես մատուցել։ Մատուցելուց վրան կարագ դնել և սև պղպեղ լցնել։