Կանաչ Ափսե

Instructions

1. 1

   Հունական յոգուրտը և ֆետան ձիթապտղի յուղի ու սև պղպեղի հետ միասին հարիր մինչև հարթ դառնա։ Դիփը պետք է լինի կրեմային, բայց ոչ ջրիկ։ Եթե ֆետան շատ ավելացնես՝ կարող է ստացվել աղի, իսկ եթե յոգուրտը շատ լինի՝ ավելի ջրիկ։ Պատրաստելու ընթացքում համտեսիր և ադապտացրու քո նախընտրությանը։ Ես ֆետան ավելի գերակշռող եմ ավելացրել՝ ավելի խիտ և արտահայտված համ ստանալու համար, փոխարենը կանաչիներին աղ չեմ ավելացրել։ Ցանկության դեպքում կարելի է ավելացնել նաև լիմոնի կեղևի քերուկ կամ մի քանի կաթիլ լիմոնի հյութ։

2. 2

   Ձուն եփիր ըստ քո նախընտրության։ Ես սիրում եմ թերխաշ տարբերակը՝ եփել էի մոտ 7 րոպե։ Եփելուց հետո տեղափոխիր սառը ջրի մեջ և մաքրիր կեղևը։

3. 3

   Թարմ ոլոռը կարագով տապակիր մի քանի րոպե, մինչև թեթև փափկի։

4. 4

   Մատուցելու համար ափսեի հիմքում տարածիր ֆետա դիփը։ Վրան ավելացրու մեծ կտրտված կանաչիներ (ես վերցրել էի թարխուն, սամիթ, նանա և մաղադանոս), ապա ավելացրու ոլոռը, կիսված ձուն և յուրաքանչյուր ձվի վրա մեկական անչոուս։ Շատ հետաքրքիր և հավասարակշռված համադրություն է ստացվում։

5. 5

   Վերջում ավելացրու թարմ աղացած սև պղպեղ և լիմոնի կեղևի քերուկ։

6. 6

   Մատուցիր թարմ կամ թեթև տապակված հացի հետ։ 🤍✨